Hvað er innifalið í verðinu?
Öll okkar verð eru heildarverð, ekki verð per gest. Við bjóðum uppá gistingu í uppábúnum rúmum, morgunverð, keyrslu í flug, geymslu á bíl og skil á bíl við heimkomu. Við bjóðum uppá 7% staðgreiðsluafslátt þegar greitt er með peningum.
 
Skutlið þið í flug og skilið bílnum við heimkomu?
Já, við skultum ykkur í flug og þegar heim er komið, komum við með bílinn upp í flugstöð og afhendum ykkur lyklana í komusalnum. Þegar vitnað er í á vefnum okkar að aðeins ein ferð sé innifalin í verðinu, er átt við erlenda ferðamenn sem koma að gista hjá okkur, þar sem við erum ekki að geyma bíla fyrir þá.
 
Við þurfum að vera komin mjög snemma uppí flugstöð
Við keyrum gesti okkar uppí flugstöð þegar þeim hentar, flestar okkar ferðir byrja um 04:00 leytið á morgnana.
 
Getum við fengið morgunverð þegar við förum svona snemma?
Gestir sjá sjálfir um að fá sér morgunverð, svo gestir geta græjað morgunverðin á þeim tíma sem þeim hentar.
 
Eru handklæði fyrir gesti?
Það eru handklæði fyrir gestina okkar á öllum baðherbergjunum til notkunar fyrir sturtur.
 
Er WI-FI tilstaðar á gistiheimilinu?
Frítt WI-FI er á gistiheimilinu fyrir gesti.
 
Hversu snemma er hægt að tékka sig inn?
Hægt er að tékka sig inn um hádegi, en fyrr ef herbergi eru laus.
 
Við erum að koma utan af landi, við komum seint, er það í lagi?
Já það er í lagi, gott er að hringja í 867-4434 ef þú áætlar að koma seinna en 23:00 og láta okkur vita.
 
Eru þið alltaf á staðnum?
Yfirleitt, en stundum erum við að skila bílum við Flugstöð eða sækja gesti, en erum aldrei lengur en í 10.mínútna fjarlægð, alltaf er hægt að ná í okkur í síma.